بعد ما روحت من المدرسة وكنت مقدمة اختبار اللغة العربية نهاية الفصل الأول روحت وقعدت على التلفزيون شوي لانا سمعت صوت خبط فانا ما اهتميت لانه اصلا متعودين
بعدين صار الخبط ورا بعض ورا بعض بصورة فظيعة لانا رحت على البلكونة وشفت دخان
كتيييييير بطلع والطيارات بتقصف وكان اخوية على السطح وصار يعيط من الصوت
وكانت اختي في المدرسة بقدموا امتحان وكل الاهالي راحوا يجيبيوا ولادهم والخبط
مو راضي يوقف
بعدين فتحنا الردايو وسمعنا انهم قصفوا كل
الوزرات وقصفوا الساحة وكان بابا في الساحة فصرنا نتصل عليه بس فش شبكة
بعدين بعتلنا رسالة طمنا عليه وقعدنا شوي والخبط لسة شغال وبعد 3 ايام قطعت
الكهرباء وضلت قاطعة وفي الليل كنا بنتشاهد على روحنا وبنام على صوت الخبط
وكنت كل يوم أنزل تحت اعبي مية لانه المية كانت مقطوعة أعبي مية من الاول لرابع
وانا بنقل سطول لما أعبي البرميل الكبير وفي النهار نقعد نتفرج عن مناظر الطيارات
الزنانة (طيارة الإستطلاع) والهلوكبتر والحربية (الإف 16) وهادي كانت شكلها مرعب
عاملة زي السهم ولونها أسود وهادي كانت هي اللي بتقصف اما الهلو كبتر كانوا
عادي شكلهم والإستطلاع كانت أكثر طيارة في سماء غزة يمكن 10 طيارات إستطلاع
في السماء و5 هلو كبتر و2 أف 16 وبعد 20 يوم من قطع الكهرباء اجت وصار عنا فرح
اللي تغسل واللي تعجن واللي قاعدين على الاخبار بعدين قطعت بس بعدين صار
هدنة واجت وانتهت الحرب وانا ما متت مع اني كنت بدي أموت هههههههه
يلا سلام